Siquey

SA HULING ARAW NG PERYA

Dito sa perya kita
unang nasilayan
Na may tangan
na babasaging baso.
Napanalunan mo marahil
sa paghahagis ng mamiso
sa masisikip na kuwadradong
pinintahan ng numero.
Sa pilantik ng daliri
mo kaya nakukuha ang husay
na magpastol ng mga sentimo
papunta sa kulungang yari ni Pedro?
Dito lang ako sa tuktok
ng aking kalawanging tsubibo.
Sisilipin kitang manalo
sa tabi ni Mariang nangangamot na ng ulo
at ni Nenang naubusan na
ng baryang ibabato.
Konti na ang tasa at platito,
kaserola't yung makinang na kubyerto,
di pa rin masalat
ang paghakot mo ng premyo.
Sige, bato.
Bilis, gulong piso.

Oo! Ikaw nga ang nakita ko
Na humihikbi sa kalsadang
paparito kagabi,
iniingayan ng mga aso
nang sumilip ako
sa aking tsubibo.
Kalat ang bubog sa aspalto,
naging puting abo ang platito,
pinulbusan ang aming kanto.
Dahil siguro hindi nakaya
ng iyong braso ang bigat at dami
ng iyong mga nakuhang premyo.
Pero bakit yung baso lang
Ang iniyakan mo?
Hayaan mo...
Hindi ba't lagi ka namang nananalo?
Tulad ngayon...
Sige, Bato.
Bilis, gulong piso.
"Hoy Pedro! Yung premyo!"

Pero mamaya pag-uwi mo,
sasabay na ako.
Baka kasi hindi mo na naman mahawakan
ang makinang na kubyerto
at yung babasaging baso.
Sayang lang kapag di dumampi sa labi
ang binigay ng pisong iyong pinalatag
sa pulang numero.
Bubuhatin ko lahat ng mga premyo
maliban sa pinakamamahal mong baso.
Iyan ay sa iyo.
Hawakan mo.
Sa ating paglalakad, itatanong ko,
"Ayaw mo bang hayaan sina Maria
at Nenang manalo
para di na mangamot ng ulo
at magkapremyo, at upang may kapalit na rin
ang kanilang milyong sentimo?"
Saka ko idudulas
ang mabibigat mong mga premyo
sa aking braso,
upang mabubog,madurog
at mapulbusan ang aspalto.
Sigurado ako,
walang mag-iingay na aso.

Matitira na lang ang iyong babasaging baso.
Huwag mo akong ibato.
Huwag mo akong ipagulong na parang piso.

Siquey

BAKIT LINGGO ANG OFF NI INDAY

Sa Lunes ng umaga,
walang kwelyong libagin
habang nakakulong sa trapik ng Edsa.

Martes ng tanghali
nang lumuhod siya at nag-isis
para tanggalin ang putik
sa talampakan ni bunsong madungis.

Miyerkules niya kinukuskusan
ang kasuluksulukan ng aming kwartong binubuhol
ng gabi-gabing pakikipagtalik
sa kobre-kamang inalmirol.

At twing magluluto ng kare-kare
sa Huwebes, maigi ang paghalo niya ng
peanut butter at mantikilya para mas malasa at
di mapuna ang malapot na
mantikang pumapaimbabaw
sa dilaw na sabaw.

Sa Biyernes niya pinupunasan ng
basang bimpo ang mga silya
para pagsapit ng Sabado,
walang alikabok ang puwitan ni misis pag-upo,
habang pinipinturahan ni Inday ng
malamyang pula ang mga patay na kuko,
matapos niyang hukayin,
galugarin at hugutin
ang mga naipong hibla ng medyas,
at mga sobrang balat
mula sa mabahong agwat ng
lakwatserang mga paa ng aking asawa.

Ngunit kapag linggo at off ni Inday,
maaga akong lilisan mula sa silid na
di ko tulugan para saksihan ang
paglamyerda ng mga boy at achay
na kaberks ni inday.

At bago pa man siya makalabas sa bahay,
kailangan ko siyang pagpayuhan na maghinay-hinay.

Dahil sa gitna ng kanyang
pagdukot ng mga dumi
sa kuko ng aking asawa kagabi,
dinig ko ang kirot sa
tahimik niyang aray at paghikbi.

At kung maari, bawasan ang mantikilyang hinahalo
sa kare-kareng kanyang niluluto,
dahil sa likod ng pag-ayon ng
panlasa ng aking asawa,
ramdam ko ang pagkasakal at
paghina ng pintig mula sa paghigpit ng sebo
sa kanyang pusong lamig.

Ok lang Inday.
Kahit hindi na masyadong masarap.

Siquey

TANAGA NG ISANG CALL CENTER AGENT 

auto-in 

nag-aabang ng tono 
upang magmekaniko 
ng gripo, ng lababo, 
mga kanong may tulo. 

aux-break 

sa pagsilang ng mundo, 
labinlimang minutong 
paghithit ng marlboro 
ang aking santuwaryo. 

aux lunch 

isang klaseng hapunan 
ang nais maibalik. 
maempatso ng unan 
at dumighay ng hilik. 

log-out 

uuwing pagod,hapo't 
mapayapang hihimbing. 
panibagong bangungot, 
mamaya sa paggising.

Siquey

Clientlogic Philippines 
PEZA, Loakan Road 
Baguio City 
Philippines

June 17, 2005

To Whom it may Concern:

Please take note of the fact that I am hereby tendering my immediate resignation (and absolute surrender) from Clientlogic Philippines, as a Customer Service Representative (but all agents are working as a Technical Support Representative, right? Well, probably as a cost-cutting measure) effective, June 18,2005.

As you know, I have been very unwell for some time now and as a consequence, feel that I am unable to work for Clientlogic any longer. Just kidding. Honestly, half of those times, I lied. The other half, I was just drunk. Like everyone else.

While I have a high degree of personal respect for you and the opportunities you have offered me, I am no longer comfortable working for an organization largely populated by politocrats, vengeful rivalries, and fiefdoms similar to the current Philippine Government. I am aware that I should still work for you for the next 15 days, as required by my contract of employment. However, I dare say that I would rather be tied in a leather bag with ravenous, rabid ocelots (or just drink beer and be drunk) than remain at this company for another two weeks.

This was a very easy decision and didn’t need any further considerations. Anyone who knows the meaning of “Bad Labor Practices” should be photocopying this resignation letter and start looking for a better job. I know I’m acting really rude but please be assured that I will do all I can to assist in the smooth transfer of my responsibilities before leaving. What I’m worried about is if you don’t do yours (Yes, I do need my backpay, like the rest of those agents who resigned and realized earlier than me that they’re doomed in this company. Thank you).

I wish both you and Clientlogic Philippines every good fortune. I would also like to give you due credit, for choosing to remain here to fight (or join) this hideous alien menace from within. The management scatters conflicting ideas throughout the organization like the seeds of a mad gardener. Expecting vainly that some of them will sprout, miraculously save the company and with it, their miserable hides. Hopefully, their insidious plot to take advantage of each agent’s right to have proper compensation, humane policies and modest scheduling with foolish and ill-advised strategies will eventually be revealed, but until then it seems their plans may march on uncontested.

God speed, and May the force be with you.

Exasperated,

Charles Tuvilla

Siquey

PAANO NASIMULAN ANG AKING TULA

Hindi ko mapagbuksan
ang tulang kumakatok
sa aking isipan.

Kanina pa lumalangoy ang mga metapora:
pusong sugatan,
kandilang inilawan,
bayang ipinaglaban,
inang iningatan.
Ngunit di pa rin lumulusong ang simula.

di mahulog.
di mahukay.
di mapana.
di ko mahagip ang tula.

Ilang oras din ang aking hinintay
bago dumungaw sa bintana,
kumalembang ng kampana
o mambulabog ng madamdaming harana
ang nais kong panimula.

Ni wala ito sa uhog na tumutulo sa ilong
ng batang nagmamakaawa.
wala sa kislap sa mata ng nimpang sinasamba.
Wala sa bansang inaalipin ng mga banyaga.
wala sa mga pamahiing napag-ayunan ng isang lipunan.

Bigla na lang itong bumagsak nang walang paalam.
wala ring senyales na iniwan.

Mayamaya'y magkakalat,magtatae,at susugat.

Ito ay ang tintang di makatakas
sa plumang kani-kanina lang
ay ayaw maglimbag
ng aking mga alaala't haraya
sa amoy rosas na papel
na akin pang binili sa Divisoria.
Humulagpos ang pulang likido
at itinaboy ang mga metaporang kinumutan,
sinuyod ang aking kabataan
at inanod ang mga agiw
sa mga sulok ng kwarto't himlayan.
Pinalutang ang mga kahon
na sisidlan ko ng mga pagbalik at paglisan.
Binura ang mga imprenta ng dingding at bobeda.
Niluglog, nilunod ang nais kong tula.

Ito na nga marahil ang simula.

Siquey

HUWAG KANG MATAKOT

hindi nangangagat ang dilim ng gabi.
at sa ilalim ng makapal na kumot,
itim pa ring di maihawi
ang iyong kakampi.
sakaling bumuka ang bibig
ng kawalang iyong pinangangambahan,
sumilip ka sa kumot
na iyong pinagtataguan.
saksihan mo ang aking pakikipagdigmaan
sa takot at alinlangan,
sa dilim at grabidad ng kabiguaan.
sapat nang sandata ang malamang ika'y saksi
sa aking sigalot sa iyong sariling pighati.

ako ang liwanag na sumisiksik
sa butas ng iyong pagsilip.