Tangna, 80's is in the air, Balbon. Sobrang astig ang Finals na ito. Pero mukhang nakatadhana talagang mangyari. Heto na yung inaabangan ng lahat, lalo na ni David Stern. Gaya ng sabi ko dati, Sternbot always wins. Madami na namang bebot nito si Uncle David. Hindi ko kayo masisisi kung sabihin ninyong iskripted ang pakshet na season na ito. Pwede mong gawing pelikula. At sa mga susunod na mga taon, itong season na ito ang palaging ipapalabas sa NBA TV sa mga more memorable seasons nila. Mula sa kaartehan ni Kobe, hanggang sa pagkabuo ng Beantown Three, hanggang sa biglaang doubt ng tao sa credibility ng liga dahil kay Donaghy, parang planado ang lahat. Pasensya na sa mga Spurs at Pistons fans. With all due respect, pang-odd-numbered years lang ata talaga ang San Antonio at pang-conference finals lang talaga ang Detroit. Pero ganyan talaga. Sabi nga nila, There can only be one. Heto na talaga yung ONE. Isa lang, Balbon. LA o Boston. Boston o LA. KB or KG.
At alam mo naman siguro kung kaninong team ako. LA, pare.
Pero ganito yan. May isa lang talaga akong pinoproblema. Nasa magkabilang panig ng planeta ang opensa ng LA kung ikukumpara sa opensa ng Boston. Halos walang pagkakaiba ang opensa ng Celtics sa opensa (at halos pati depensa) ng Pistons. Half-court set. Mabagal. Teknikal. Pero, efficient. Hindi maitatangging nagkakaroon ng isyu ang depensa ng LA sa mga ganitong klaseng ikot ng opensa. Oo, na-dethrone nila ang Spurs sa West, na ganito rin ang klase ng makina, pero sa apat nilang panalo, isa lang dun ang talagang tambakan (more than 10 points ang difference). Nahihirapan pa kasi ang mga sentro ng LA na dumepensa sa poste, lalo na kung yung mga efficient bigmen na ang binabantayan nila. Nakalusot sila sa mga bankshots at jabsteps ni Duncan (dahil minalas ang mga tira na Manu mula kay Duncan), pero hindi ko alam kung ano ang gagawin nila kay KG na di-hamak na mas mabilis, mas athletic at mas may outside shot, kung ikukumpara kay TD. Kapag dumoble sila kay KG, si Perkins lang ang pwede niyang pagpasahan na may malaking chance na sumablay (sa 1st five nila). Pero walang choice ang LA. Kailangan nilang sumugal dito. Kakainin ng buhay ni KG ang LA pag single coverage ang gawin nila sa kanya. Maliban dito, puro nasa LA na ang kalamangan. At huwag mong ipagpilitan na nanalo ang Boston sa dalawang regular season games nila. Wala pa si Gasol nun, Balbon. Manahimik ka. Heto ang forecast ko.
Simulan natin sa Matchups.
Point Guard: D.Fisher VS R.Rondo - Mas mabilis si Rajon, oo, pero kakatawanin lang siya dito ni Fisher. Mas mataas ang shooting percentage ni Fish sa labas, at mas maaasahan ang depensa niya. Pustahan tayo tol, puro fastbreak ang panggagalingan ng puntos ni Rondo dito. Kung makapuntos pa siya niyan. Pabor, LA.
Shooting Guard: K. Bryant VS R. Allen - Kobe na ito, sa mga kadahilanang alam mo na rin dapat. Kahit sabihin mong "may shooting si Allen", hindi pa rin yan uubra sa depensa ni Bryant. Isa pa, medyo inconsistent si Allen sa mga simula ng series. Isa pa, walang depensa si Allen. Isa pa, hindi naman talaga sila ang magbabantayan e. Isa pa yan sa mga problema ng Boston. Ipaliwanag ko sayo mamaya kung ano yung sinasabi ko. Pabor, LA.
Shooting Forward: L. Odom VS P. Pierce - Mas matangkad si Odom. Mas mabilis si Pierce. Kanino ang mas papaboran mo ngayon? Kapag pumoste si Odom, lamon si Pierce. Kapag nagdribble si Pierce, iwan si Odom. Tabla ako dito sa mismong matchup. Pero tulad nung sa shooting guard na posisyon, walang silbi ito kasi hindi ko sila makitang magbantayan. Mamaya natin ito pagusapan. Tabla tayo dito, chief.
Power Forward: V. Radmanovic VS K. Garnett - Ito yung isang matchup na obvious. Lalamunin ni KG ng buhay si Radman dito, at dito talaga iikot ang malaking bahagi ng opensa ng Boston. Buti na lang may tira sa labas si Radman kasi maliban sa mga 2nd chance points, sa tres lang siya makakalayo at makakatira kay KG. Pabor, Boston.
Center: P. Gasol VS K. Perkins - Mabagal si Perkins, pare. Tanggapin mo yun. May tira na siya sa labas, pero masyadong malikot si Gasol sa parehong dulo ng laro. Pwedeng mangatawan si Perkins, pero kapag dinobol na siya, nahihirapan naman siyang magpasa sa weak side. Instant turnover yun sa Boston. Tatapik-tapikan lang siya dito ni Pau, pramis. Pakiramdam ko nga, matutuliro ang center rotation ng Boston kay Pau. Baka papalit-palit ang maging sentro nila sa iba't-ibang laro. Pabor, LA.
Coach: D. Rivers VS P. Jackson - Tangna. Kahit sabihin ko lahat ng magagandang kayang gawin ni Rivers dito, isa lang ang sagot dito. Next topic. Pabor, LA.
Bench - Isa pa itong problema ng Boston. Sobrang lakas ng loob ng bench ng LA ngayon. Dahil kay Jackson yan. Tangina, saan ka naman makakakita ng team na tambak ka na ng 20, puro bench pa rin ang ipapasok mo at ipapagisa mo ang first unit ng kabilang team? Phil Jackson lang ang gumagawa niyan tol. At tulad din ng naging problema ng Spurs ang magiging problema ng Boston: matatanda na ang bench ninyo. At kung gaano kagurang ang bench ng Boston, ganun naman kabata ang reserves ng LA. Takbuhan ang mangyayari nito. Pabor, LA.
Puntahan natin ngayon yung mga mangyayari mismo sa laro. Bola muna ng LA. Depensa ang Boston. Tanggapin natin na andiyan si Kobe at malamang, sasaniban yan. Puputok at puputok yan. Sino ang magbabantay sa kanya? Imposibleng si Allen. Masyado siyang maliit para kay Kobe. Ang kukuha ngayon kay Kobe, si Paul Pierce. Dito na magkakasanga-sanga ng problema. Above average defender si Pierce, oo, pero maisusugal niya kaya ang posibleng pagkaubos ng foul niya sa mga penetration at post-ups ni Kobe? Hindi tulad ng San Antonio kung saan 3rd or 4th option nila sa opensa ang dumedepensa kay Kobe (Bowen), mauubusan ng offensive firepower si Pierce at ang Boston kapag kay Kobe siya nakatao (May mga magsasabi na, "e effective naman si Pierce kay Lebron". Balbon, dalawang punto. Una, di tulad ni Kobe, walang poste si Lebron. Pangalawa, nakakatira si Lebron ng maayos, hindi lang talaga pumapasok, kaya hindi mo pwedeng ibigay lahat ng credit ka PP dun.). Dahil sa iba na ngayon ang bantayan sa SG position, isa pa nilang problema ay yung sa magiging trabaho ni Allen. Tol, si Odom ang babantayan niya.Kapag pinostehan siya ni Odom on either wings, siguradong may kukuha ng double team at sa isang madaling sitwasyo para sa Boston, isa kina Kobe at Fisher ang malilibre; parehong tirador sa tres. Mahihirapang tumira mula sa mga Power Forward at Center positions ang LA, particularly sa painted area, pero dahil mas matangkad si Gasol at Odom sa mga kabantayan nila, at mas magaling silang magdistribute sa loob at sa weak side, palaging nasa labas si Radman dito, na nakakatira ng tres, at syempre, mas makakakuha ng offensive rebound ang LA dahil sumunod na rin sa labas si KG.
Bola naman ng Boston. Depensa LA. Tandaan ang height differences ng mga magkakabantayan. Huwag mo nang idagdag ang athleticism ng bawat isa. Kahit tangkad lang. Ano ang lalabas? Si KG lang ang may madaling pwesto para makakuha ng bola na walang hirap. Ayokong ipako ang opinyon ko sa magiging performance ni Pierce dito dahil nakita na natin ang kaya niyang gawin sa postseason at medyo maganda naman ang ginawa niya against Kobe sa dalawang laro nila nung regular season. Kaya babalikan ko ang mangyayaring mix up sa posisyon; Odom-Allen. Tol, si Odom ang babantay sa kanya. Magaling kumuha ng screen si Ray Allen, pero alam mo ba kung ano ang height difference nila ni Odom? 5 inches pare. Tangkad pa lang yun, wala pa yung wingspan dun. Makatira man si Allen dito, sigurado akong maiilang siya sa mamang hahabol sa kanya. At babalik ulit tayo sa inconsistency niya nitong postseason. Sa ilalim, andiyan si KG. Sa kanila yang posisyon niya, sigurado. Magaling siyang pumasa, ibibigay ko sa kanya yan, pero sino ang mapapasahan niya kung lahat ng posisyon maliban sa sentro nila ay nakacover. Again, si KG lang ang may height advantage sa bawat posisyon, pare. Andiyan pa rin naman si Perkins, at kung maging maangas ang laro niya against LA, mas aastig ang rakrakan sa ilalim. Tangina, mainit ito, balbon.
Hayun. Tangina, andami kong naisulat. Kung may opinyon ka, sumagot ka lang. Kahit Spurs ka pa, hehe. Gisahin natin ang opinyon natin. Basta LA ako. Nagkakapustahan na nga dito sa opisina. Pwede rin tayong magkapustahan kung trip mo, Balbon. Dalawang bucket ng SanMig.
Basta LA ako.
