Siquey

1. Maraming nangyayari, pero munting update lang. Bawal magtanong. Lalanggamin ang gilagid mo.

2. Narito na rin lang ako at nagdadaldal, simulan ko na ang nakabuburat na nangyayari dito sa opisina. Nagsimula ito nang pinalaki ng Expedia ang Elite team, pero hindi dito sa Maynila. Ang ginawa nila, nagpatrain daw sila ng ilang tenured agents sa Cebu, binigyan ng mas magagandang tools, at pinaupo sila sa mas matataas na silya. Bakit doon? Malay. Basta ang sabi dati, mas marami raw kasing VetReps mula Cebu kesa dito, at na-impress daw ang mga kliyente nung bumisita sila doon. Pwede. E alangan naman kasing may matirang VetReps dito sa PSC, e halos mas malaki pa ang naiuuwi ng Reliance kesa sa mga Beteranong tulad ko. Pero mas naniniwala ako sa dahilan na sobrang dami na kasing Line of Business dito sa PSC kung ikukumpara sa kabilang kubo. May dalawang Elite Agents na talaga sa Cebu na nakakaalam ang patakaran ng grupo, at pagkalipas ng ilang buwan, natutuhan rin naming sumayaw nang sabay sa iisang kumpas. Nang hinaluan sila ng mga bagong ahente, nailang din sila, kahit pa pumapasok sila sa iisang pinto tuwing umaga. Nagsimulang isabak ang mga bagong Elite Agents noong isang lingo, at hindi pa umiinit ang tubig sa kalan, nagsisimula na ang kakupalan. Hindi na bago ang kompetisyon/kupalan/basagan/pakyuhan sa pagitan ng MNL at CEB centers. May ilang pagkakataong sumawsaw ako sa huntahang ito pero alam ko naman palagi ang posisyon ko. Kung mali ako, alam kong mali ako, at pinapangatawanan kong mali ako. Kung mali ka, sasabihin kong mali ka, kahit nasa kabilang bakod ka lang o sa ikalabingwalong isla ng bansa. Responsibilidad mong pangatawanan ang kakupalang ginawa mo. Walang personalan, professional kupalan lang, kumbaga. At sa pagkakataong ito, may nangupal na taga-cebu at siya pa rin ang bira ng bira sa mga tagaMNL. Panalo ang kakupalan tol, pramis.

Una, nagpadala siya ng email sa kasama naming Elite agent dito sa Maynila at inaakusahang “nagrerefresh” o ang pag-iwas na pasukan ng tawag. Dahil baka mabahiran pa ng putanginangputangina kapag hinimay ko sa inyo, kayo na lang ang magbasa. Pansinin ang nagkalat na kakupalan.

Cebu: hi.. busy ka?

Manila: y?

Cebu: la lang...palagi ka kasi naka refresh eh.. ....dami kau q(ueue)??

Manila: wat do you mean nakarefresh?

Cebu: im watching cms... ur supposed to be next of pascual with avail time of 40mins already..but then nag refresh po kayo... so,i guess busy ka to take calls???  Hehehehe… are u m or f ?

Manila: Mam, Elite Plus agent po kau diba? you're not supposed to watch cms kase naka avail kau and nasa station mo dapat, that's why they assign CMS watchers! and for your information po hindi ako nagrefresh at hindi ako nagrerefresh. ganito po gawin mo, ipacheck ko po history ng CMS so you would know na nagpersonal po ako for a couple of mins. And in my tenure as universal/elite agent hindi po pareho ang ibig sabihin ng personal aux sa refreshing. u dont have the right to email fellow agents accusing them of refreshing. i'll keep this email and will forward it to management for reference. Thanks!

Cebu: im just asking..y r u so defensive?? i didnt mean anything bad.. are u some kindda guilty?.. well, to let u know as well, we have an access to see cms..and its just beside me.. sorry ha, if i offended u..going on personal or other auxes will still refresh u from the avail mode, right??? so anong dapat ikagalit dun?? refresh pa rin tawag dun diba..im not accusing anyone... anyways, log-out na kami..but sure, we'll be glad to see the history of your auxes.. keep us posted ha.. goodnight.. godbless..

Astig diba? Heto ang espasyo para sa gusto niyong mura: ____________________.

Tinawanan ko pa ang tropa ko nang mabalitaan ko ito.  Di ko alam kung may nangyari sa reklamo ng MNL, naiforward kasi ito sa Manager namin.

Akala ko ito lang ang ginawa nung Kupal, pero hindi pala. Nang balikan ko ang mga huling trinabaho ko pagkagaling sa off, pati pala ako kinupal ni Kupal. Inakusahan niya akong mali ang trinabaho ko, at ang masama, inilagay niya ang pangalan ko sa isang tool na hindi naman dapat sinusulatan ng pangalan. Name dropping, pare. Yung mga fans ko mula sa Cebu, gamitin nyo tools niyo at check ninyo ito: 44035000. Gawa niya yan. At heto yung dapat na binuksan niya para hindi siya matawag na incompetent: 43983723. Hindi na nga nagbabasa ng documents, anlakas pa ng loob na mangupal, e bawal nga yun sa office tools. Kung gusto mo, dito sa blog, pwede.

At hindi pa natapos dito. Tumawag pa ang mismong ahente sa Tier II at nagpatulong kasi, natatakot daw siyang gamitin ang tools nila. Kumbaga, bilang karpintero, binigyan ka ng martilyo para pamukpok, pero ang ginawa mo, naghanap ka ng ibang karpintero para siya ang gumawa ng trabaho mo kasi natatakot kang mapupok mo ang daliri mo. Naghahabulang walangya. Rakstar ka naman pala e. E maliban sa ibinabayad sa iyo ng PS para gawin ang trabaho mo, binabayaran rin ng kumpanya ang bawat klik mo sa astig na tools niyo. Kung takot kang gamitin ang tools niyo, bumalik ka sa floor bilang regular agent para maibigay ang log-in mo sa ibang tao, at ma-utilize ang manpower ng kumpanya.

Palampasin ko n asana, pero Pakshet, tatlong kakupalan ang umiral sa iisang araw. Ang masama, parang sila pa ngayon ang may angas. Hindi ko naman sila masisi. Basta wala akong pakialam sa kung anong kakupalan ang gawin nila sa sarili nilang bakod; siguraduhin lang nilang hindi nadadamay ang nasa kabila dahil sa ginagawa nila, sadya man o hindi.

Simple lang ang sakin: Kung Elite agent ka, act like one, Balbon.

3. Napanood ko na ang The Dark Knight. Panalo, tol. 9 out of 10, para sa akin. Hindi ako magaling magreview at maghimay ng kung anong aspekto o elemento ng pelikula tulad ng ilan kong tropa, kaya wala kang mababasang intelektwal na pagkatay sa pelikula mula sakin (maliban siguro kung may bayad).

Kaya isa lang ang masasabi ko: JOKER dapat ang title ng pelikula. Hindi naman kasi kay Batman umikot ang kwento. Ewan ko. May epekto rin siguro ang kamatayan ng gumanap na Joker na si Heath Ledger sa ganitong pananaw ko, pero halos siya lang talaga ang nagdala ng buong kwento. Astig yung performance niya, kaya parang nalunod ang ibang artista, kabilang si Batman, at nagmukha na lahat silang clown sa likod ni Joker. Hayun.

Kung may kasunod pa ang pelikula, sigurado akong nabuburyong na ang Warner Bros sa paghahanap ng kapalit niya.

Heto pala yung paborito kong hitsura niya sa pelikula.